” وَاسْتَفْزِزْ مَنِ اسْتَطَعْتَ مِنْهُم بِصَوْتِكَ “
هل حصل أنك لقيت نفسك فجأة شعرت بألم مفاجئ في منطقة في جسمك .. فتدخل تبحث على الإنترنت فتلاقي إن دي من ضمن أعراض مرض ما ..
وبعد ما تقرأ الأعراض تلاقي نفسك بدأت تحسها بجد مش تمثيل !!
تلاقي ضربات قلبك بتزيد .. زي ما الأعراض بتقول ..
تلاقي نفسك دايخ .. زي ما الأعراض بتقول ..
تلاقي نفسك حاسس بألم مُعين .. زي ما الأعراض بتقول ..
و بعدها تكشف .. تلاقي مفيش آي حاجة !
اللي حصلك ده سببه ” صوت القرين “ودي نتيجة من ضمن نتائج الاستفزاز بالصوت، فهو صوت يزعجك، يؤلم بدنك، يتعبك، يدخلك في مخاوف و أوهام ملهاش أي أساس من الصحة !
صوت يهجم عليك يخليك .. تشك في حد
صوت يهجم عليك يخليك .. تسئ الظن فجأة
صوت يهجم عليك يفكرك .. بـ أذى حد اذاك
صوت يهجم عليك يفكرك .. بـ حُزن قديم
المهم أنه صوت لو إستسلمت ليه هيصيبك باليأس والإحباط
إستفزاز الصوت بيخليك تحِس إن الصوت في ودنك، وكأنه صوتك أنت بس بيتعبك ، المطلوب منك في الوضع ده حاجتين :
1- تعرف إن القرين له صوت، فأي صوت سلبي مستفز جواك بيحزنك و يؤلمك هو صوت القرين
2- لمّا يبدأ الوسواس أريدك وبكل هدوء أن تستعيذ بالله من الشيطان .. و إكسر الحالة النفسية دي بعكسها زي مثلاً إنك تـقوي ثقتك بنفسك بقول وتكرار عكس ما يدور بداخلك من أفكار سلبية وبكل يقين بالله وتذكر دوماً قول الله في الحديث القدسي ( أنا عند ظن عبدي بي ) …
– يعني لو كان وسواس مرض : قل بثقة انا صحتي ممتاز وبيقين قل يارب عافيني و سلمني و اصرف عني كل شر
– وسواس بأن حد هيموت : قل بثقة هذا مجرد وهم والأعمار بيد الله وقل بيقين يارب بارك في عمره ولو قبضته احسن خاتمته و راضيني بقضائك
– وسواس شك في حد : قل بثقة وبيقين يارب لو في حاجة نورني أنت تعلم سر اللي قدامي و ثقتي فيك إنك مش هتضيعني و هتُوريني بنورك ما خفي علي و هتحميني
وبكده مع الوقت قرينك هيضعف وهيهجرك في الوساوس، لإنه لمّا جيه يوسوسلك كان عايز يحزنك و يزعلك، ويمرضك ويفسد حياتك ولكن أنت حولت اللحظة دي للحظة تقوي فيها ثقتك بنفسك وبعبادة لله ومناجاة مع ربنا وده ضد اللي هو عايزه تمامًاً
إنتبه :
– لحظة الوسوسة مدمرة فهي تدخلك في عالم الظنون والأفكار السلبية كي يستحوذ قرينك عليك ” اسْتَحْوَذَ عَلَيْهِمُ الشَّيْطَانُ فَأَنسَاهُمْ ذِكْرَ اللَّهِ ۚ أُولَٰئِكَ حِزْبُ الشَّيْطَانِ ۚ أَلَا إِنَّ حِزْبَ الشَّيْطَانِ هُمُ الْخَاسِرُونَ “
– وسوسة قرينك إن إستسلمت لها هتدخل في دائرة السوء باقي حياتك ومش هتعرف تطلع منها و ممكن تفقد بسببها عقلك وما تبقي من حياتك “ الظَّانِّينَ بِاللَّهِ ظَنَّ السَّوْءِ ۚ عَلَيْهِمْ دَائِرَةُ السَّوْءِ “
– لحظة الوسوسة دي هتعميك لتجعلك تري الوهم حقيقة ” إِنَّ الَّذِينَ اتَّقَوْا إِذَا مَسَّهُمْ طَائِفٌ مِنَ الشَّيْطَانِ تَذَكَّرُوا فَإِذَا هُمْ مُبْصِرُونَ“
مسا الخيرات دكتور وليد
بالنسبه لموضوع القرين نعم موجود ويظهر الانسان بعده صور عقليه ان كان صوتا او خيالات. تاتي غفله دون سابق موعد. لكن هل الانسان هو المسؤول عن ذلك الشيء
وهل ممكن السيطره على تلك الوساوس وهل هي من القرين او نتيجه ضغوطات حياتيه ممكن يتعرض لها الشخص مثل صدمه او فقدان عزيز او اله
وممكن يكون خلل كيميائي بالمخ وله تاثير سلبي على الادراك والتركيز
في جميع الاحوال الحل التوجه الى الله بالذكر والدعاء وقراءه القرأن من معوذات وايه الكرسي.وغيرها من الايات
لكن لدي سؤال يا دكتور وليد
اعلم ان لكل انسان قرين وممكن ان يغويه ويحرضه على المعصيه او ارتكاب اي شي مخالف لقوانين الحياه
لماذا وجد القرين مع الانسان.
هل هو الشيطان ذاته ام هو شيء اخر
والله اني اسمع عن اشخاص مؤمنون ويتعرضون لاشياء غريبه
وبنفس الوقت نزلت المعوذات لابطال مفعول ذلك.
انا ان اطيل عليك
لكنني اؤمن بان الانسان القوي الواعي المدرك يستطيع السيطرة
على منع القرين من اغواءه او تحريضه
وشكرا